ଆଖି ଆଖିରେ କହି ଯାଉଛ,
ବୁଝି ହୋଉନି ଏ କେଉଁ ଭାଷା।
ତୋ ପାଇଁ ମୁଁ ଝୁରି ମରୁଛି,
ପ୍ରେମ ନା ଇଏ ଯୌବନର ନିଶା।
ଆଜିକାଲି ତ ହୃଦୟ ମୋର
ଉଡ଼ି ବୁଲୁଛି ପବନେ ପବନେ ।
ତୋ ବାଟ ଖାଲି ଚାହିଁ ରହିଛି
ଆସିବୁ କେବେ ତୁ ମୋ ଜୀବନେ ।
ଖାଲି ଖାଲି ଏ ହୃଦୟ ଲାଗେ
ଶୂନା ଶୂନା ଏ ଜୀବନଟା ମୋର ।
କେବେ ତୁ ଆସି ରହିବୁ ପ୍ରିୟା
ସବୁଛାଡ଼ି ଏ ହୃଦୟେ କରି ଘର ।
ଯଦି ମୋ ପ୍ରଶ୍ନର ଉତ୍ତର ଦେବୁନି
ଏଇ ଦୁନିଆରେ ରହି ପାରିବିନି ।
ଘୁମ୍ ସୁମ୍ ରୁହନି ହେ ମନର ରାଣୀ
ତୋ ନିରବତା ସହି ମୁ ପାରୁନି ।
ଗୋଟିଏ ମୂହୁର୍ତ୍ତ ଗୋଟେ ବର୍ଷ ପରି
କଟୁଛି ଜୀବନ ତୋ ଅପେକ୍ଷା କରି ।
କହ ପ୍ରିୟା କେବେ ଆସିବୁ ତୁ ଫେରି
କଉଠି ରହିଛୁ ମନ ନେଇ ଚୋରି ।
ହଜି ଯାଇଛି ତୋ ଭାବନାରେ ମନ
ତୋ ବିନା ଅଟକି ଯାଇଛି ଜୀବନ ।
ଆ ଦୁହେଁ ପୂରା କରିବା ଲୋ ଧନ
ଭବିଷ୍ଯତ ପାଇ ଦେଖିଥିବା ସ୍ୱପ୍ନ ।
Comments
Post a Comment